Turnerchränzli 2019
5. Dezember 2019
Jahresabschluss Jugi 5 – Mittwoch 11. Dezember 2019
16. Dezember 2019

Chlaushöck Aktive 2019

Thomas Gassner

Chlaushöck 2019

De Chlausabig vom TVS isch das Jahr i de Knobel-Besebeiz,
das het für die 35 Turnerinne und Turner halt en gwüsse Reiz.
S Znachtesse isch eifach wunderbar gsi,
natürlich au de Schnaps, s Bier und de feini Wii.

De Chlaus Siri het wieder vieli Gschichte,
won er de Turnerschar chan brichte.
So het mer a de Bar am Turnfest am Vreni de BH abzoge,
wie das gange isch weis mer nöd recht, das isch würkli nöd gloge.

Vor de Chilbi in Richti gaht de Bruno in Frohsinn go Esse,
und tuet sich mit de Kollege au bim Trinke messe.
U em Weg is Horn gits verschiedeni Pföschte, die muesch eifach gse,
suscht tuet eim s Pfiffeli no Wuchelang we…

D Usrisserine Carmen und Carole versetzet all in Angst und Schrecke,
so tuet mer doch s Mami-Carole nöd necke!!!
S Mami Marlies malt sich scho Gschichte us mit em Kaugummi-Maa,
debie chönd die zwei junge Girls eifach d Finger nöd vom Jannis la.

Am Chränzli suecht sich de Andrin drü Fraue us em Publikum uuse,
die drü würet grad am liebschte mit em Andrin chli schmuuse.
Doch de Andrin bliebt absolut professionell bim strippe,
da chönd die heisse Fraue na so usflippe.

En grosse Dank gaht ad Familie im Knobel-Hof,
und für den Claus gilt: Ohne Dich ist alles DOOF.
D Turner-Gschichte sind jetzt wieder für es Jahr verbie,
de Chlaushöck isch wieder mal gmüetlich und toll gsi.

Schreibe einen Kommentar

Deine E-Mail-Adresse wird nicht veröffentlicht. Erforderliche Felder sind mit * markiert.