Beat Winiger am Swisspower Gigathlon, Expo02
5. August 2002
Männerriegenreise 02
1. September 2002
Beat Winiger am Swisspower Gigathlon, Expo02
5. August 2002
Männerriegenreise 02
1. September 2002

Jacqueline Gasparoli

’Samstagere am Bahnhof stieget 13 Fraue in Zug i,
aber nume d’Jacqueline weiss wo hie .
Nach Zürich und dänn uf Bärn,
doch ä chli witer hetemär dän schono gärn.
Schluss ändlich chömet mer in Laupe a,
jetzt müemer zerscht en Kafi ha !
Grillierä isch uf em Menüplan,
aber vorher müemer trampe, mit voller Elan.
Äs isch kein Zug, äs isch keis Velo,
Draisine seit mer däm Schienevelo.

Acht müend trampe, dä rescht chas gnüsse,
am Ziel düemer das richtig begüsse.
Binäme guete Wy mit Dipp,
Zeigemär däne Manne wiä mer fürlet, ohni tipp.
Nur umeligge und Ässä,
das chönd er grad vergässe.
Spili mache, das isch dä Hit,
dänn d’Erika und Bea händs mit.
Mängisch sind die Spili nöd so liecht,
bsunders wämmer lacht und chiecht.
Ä Abfahrt mit Schwung, das macht fit und mer blibt jung.
Mit Draisine fahre hät das nüt me ztue,
dänn a dä Mirjam ihres Füdli hät ä kei Rue.
Autotütschi wär s’richtigä Wort,
dänn Tütschä hämmer nur chöne, wänn diä andere gstande sind am Ort.
En Kafi und ä chli Wy,
i dä schöne Altstatt vo Laupe, und scho isch dä Namittag verbi.
Miteme churze Marsch nach Bösinge is Hotel 3 Eidgenosse,
hämmer nach em Düschele en feine z’Nacht gnosse.
Usgschlafe und mit vollem Buch,
gahts uf dä Marsch, so isch dä Bruch.
Über d’Saane nach Kriechwil, über Ulmiz nach Murte,
das isch eusi 15 Km Route.
Über Wald und über Wiese,
die Landschaft isch wunderbar, das isch jetzt bewiese.
Churz vor dä Altstadt Murte, äs isch kein Witz,
s’Militär hät Eus ad Werft gfahre, wiä dä Blitz.
Nacheme feine Mittagässe,
hämmer dä Heiwäg nöd vergässe.
Dä Zug isch Reserviert,
doch d’Lüt machet kei Platz, diä sind völlig desinteressiert.
Mirjam kännt kei gnad,
sie redet bis eine gaht.
Er meint, Du zerstörti Auge, graui Haar, und dezue no dummi Kuh,
aber d’Mirjam macht doch nöd Muh.
Zwei schöni Tag mit Freud und Sunneschy
sind leider vil z’schnäll verbi.

Schreibe einen Kommentar

Deine E-Mail-Adresse wird nicht veröffentlicht. Erforderliche Felder sind mit * markiert